من جرب الإسكاليد 2006 او 2005

عليكم السلام ورحمة الله وبركاته
انصحك تصرف النظر عنه مشاكله واجد وارشحلك يوكن 2005 او 2006 وبالتوفيق

أفضل تستخدم يوكن أو سوبربان نفس الموديل

تقريبا هو واليوكن نفس القطع بس تاكد اذا كانت المكينة نفسها ولا لا عشان ماتوهق بقطعها من ناحية داخليته انا افضل عداده لانه افخم شوي واحلى منظر من عدادات الجموس الثانية اللي من نفس موديله 

جزاكم الله خير الجميع ولا زال المجال مفتوح لاصحاب التجربه

الاسكاليد نفس مكينة الدينالي و حجمها 6000 CC
على موديلات 2000 الى 2006
اليوكون و التاهو 5300 CC
بتفرق معك صرفية الزيت و البنزين و القطع مختلفة و اكيد مكينته اغلى

اخوي قطع البودي غالية والباقي واحد والماكينة قوية ماشاء الله ٦.٠ لترً  نفس ماكينة يوكن دينالي 

موتر عز ماشاء الله معايا واحد مثله يطربك ب الخط

الله يجزاكم خير ..  1+ للجميع 

ياخوي توكل على الله كان معاي واحد 2006 رااااااااايع ومافي فرق بين قطعه واليوكن والتاهو الي يقول فيه فرق اكيد ماجربه ابدا

الموتر محركات دينالي واغلب قطعه قطع جمس

ما عادا الاكسسوارات الخارجية وبعض القطع الاخرى

من ناحية الاكسسوارات فهو اكيد يختلف عن اليوكن والتاهو يعني اغلى بشوي هذا اولا وتقدر تروح لقطع الغيار بنفسك وتسعر وتشوف اذا كانت مناسبة لك القطع توكل على الله

ثانيا مكينته نفس مكينة الدينالي من ناحية عملية فهو اكيد اذا جاء نظيف بيكد معك لكن لابد تحافظ عليه من ناحية سوائل وتداريه اول بأول وتتجنب التدعيس وعدم التحمية ترى مايدمر المواتر اللي مثل هاذي الا كذا

لكن ترى قطعه الميكانيكية شوي غالية وقلت لك اسأل عنها قبل هو الله حق افخم داخلية من اليوكن والتاهو وافخم من برا لكن اغلى قطع ، واحد من اخويانا يمتلك 2005 او 2004 ما ادري كم موديله بالظبط وضرب عنده رأس المكينة ودفع عليه حدود 6 وشوي

لكنه موتر يعجبك

بالتوفيق